تجربة مشروع ابيجيل
تجربة مشروع ابيجيل
تجربةابيجيل مابين تجارب كثيرة سرية
دارتها الولايات المتحدة ف واحد المنطقة سرية اسمها المنطقة 51 هاد
المنطقة كانت قاعدة عسكرية تبنات فيها مختبرات علمية ضخمة وسرية..ولكن حتى حد ما
عرف شي حاجة على تجارب داك المختبرات واش أكيد تيديروهاا على فضائيين او هي مجرد
تجارب عسكرية ممنوعة على العموم ولازم
تبقى سرية ؟
من بعد عشرات السنين قدر الانسان يعرف ان هدف امريكا من داك التجارب هو تطوير سلالة
جديدة من البشر يكونو خارقين ويكونو هما اساس جيش أمريكا ف المستقبل. وللي ا سبق لو شاف فيلم كابتن امريكا غ يعرف ان
هاداك هو النوع البشري للي تتقصد امريكا تحصل عليه من بعد داك التجارب
الفكرة جات ل الامريكان لما لاحظو ان جيش
هيتلر ف الحرب العالمية الثانية حقق انتصارات كثيرة وصمد بزاف ف وجه الاعداء و ف
ظروف مناخية قاسية
هذا خلاهم يظنو ان داك الانتصارات
ما يمكن تكون الا من جيش خضع ل تجارب علمية سرية جعلات منو جيش خارق ..
هاد المشروع تم الاشتغال عليه ف المنطقة51 للي
امريكا نكرات وجودها ف الاصل ..وبقات تتنفي خبر وجود ها وعتبروها مجرد
اشاعات.. الجيش ب دورو خبي سر
التجارب د المنطقة 51 وبقى الغموض حول المنطقة حتى ل سنة 2013 م
عاد تعرفات حقيقة المنطقة ف اطار ما يسمى
(الحق ف المعلومة)
مابين فريق العمل ف مشروع ابجيل , كان
واحد الطبيب يقال هو رئيس فريق التجارب ..تم
طردو من العمل وتم احتجازو ف مصحة عقلية
مدة سنتين .. داك الساعة قام ب تصريح صحفي
ب خصوص بعض التجارب السرية للي تيقومو بها ف
مختبرات المنطقة 51 .. مابينها : حقيقة تواجد فضائيين بالمنطقة 51 والتجارب للي تجرات علىهم, وتجربة مشروع ابيجيل وغيرها من
التجارب..
لما خرج هاد الطبيب من المصحة ناس اكثار عرفوه يالله
خارج من مصحة عقلية و ما صدقوش كلامه ..
مابين الافكار للي سرب: ان التجربة مشروع ابيجيل كان من المفروض تخضع لها انثى و10
ذكور شرط ان المرشحين الذكور يكونو اطفال شوارع و ملاجئ ...
الشابة للي كانت بنت عالم من علماء
المنطقة 51اسمو الرائد البرت
ويسكر.بنتو اسمها ابيجيل وهي بنتو الوحيدة طالبة جامعية اية
ف الجمال ..أبيجيل كانت شديدة الاتصاق بالوالد ديالها فضولها خلاها تحب الاختصاص
ديالو و نهار فكر الطاقم ف اجراء التجربة قبلات بدون تردد وحتى الاب ديالها قبل بل وكان تيشجعها
تشجيعو
كان كبير حيت كان متأكد من ان نتائج التجربة غ تكون ايجابية .وهو تيتكلم مع
بنتو كانت الثقة للي عندو ف العلم وف الفريق والامكانيات المتاحة كبيرة ..
يالله نشوفو شنو وقع لابيجل لما بدات
التجارب عليها :
مع
بداية التجربة تعرضت ابيجل لاسوأ أنواع الاختبارات :
ف الاول حقنوها
بمواد غريبة وبدلو لها اجزاء من الجسم مثلا نقصو لها عدد من الاضلاع من
القفص الصدري هاد التدخل البشري خلاها تبان ب شكل غريب غير مسبوق ف شكل
البشر .
رغم هاد
البداية الخطيرة استمرات التجارب..و باش تعطي التجارب النتائج للي تيقلب
عليها الفريق :
تلاعبو
بالمادة الرمادية المحيطة بالنخاع الشوكى ودارو تعديلات عليها.. لما كملو
دارو لها اشعة باش يقيمو النتائج وهنا بان لهم ان التغييرات بانت عند
ابيجيل قبل من الشبان وب طريقة اسرع..
دارو
تجربة اخرى :
دخلو الشبان
ل غرفة وضعو قدامهم شاشة كبيرة , عصبو لهم العينين ودخلو أبيجل للغرفة وغطاو لها العينين حتى هي ..
العجيب ف الامر ان ابيحيل بدات تتقرا افكار
الشبان العشرة وتتعرضها على الشاشة للي قدامهم وبلا ماتكون عندها وسائل تقنية تساعدها عل القيام ب داك المهمة
الفريق
بما فيه الاب د يال ابيجل تفاجئو لما بدات ابيجيل تتقرى افكار الشبان ..انباهرو ب هاد
القدرة الخارقة للي صبحات عند ابيجيل
البرت كان عندو ثقة ف العلم ولهذا كان
تيظن أن العلم غ ينتصر والنتائج غ تكون جيدة وبنتو غ تخرج من التجربة بحال الشعرة
من العجين ..
لكن وقعات
أمور, وبدات الرياح تجري بما لا تشتهي سفن
الدكتور ألبرت:
العلامات البشعة ل تأثير التجارب على ابيجل بداو وهما مستمرين ب شكل مخيف ,
البرت كان كلما دخل عند بنتو تيلاحظ ان الكائن
الموجود معاه ماعندو تا علاقة بها وكان كلما بدا تيتكلم معاها تيركبو الرعب
وتتبقى فيه بنتو وتيبقى تيبكي مدة طويلة قبل ما يخرج..
الطاقم لاحظ التأثر د البرت
ولهذا نصحو يوقف التجارب لكنه رفض رغم التشوهات
الجسدية للي كانت كثيرة عند ابيجل :
ف على مستوى الوجه لونها صبح باهت كما لو انها عندها فقر دم
سنانها صبحو طوال ومختالفين عل سنان البشر
لون شعرها صبح رمادي من بعد ما كان اشقر وبدا
تيتساقط حتى تصابت ب صلع
التجاعيد سيطرات على داك الوجه للي كان اية ف
الجمال و التجاعيد تصاب بها الجسم ايضا ويلا شفتيها تقول تصابت ب شيخوخة مبكرة
العينين خرجو من المحاجر
الطبيب للي تم طردو قال بان التحاليل المخبرية للي خضعات لها
ابيجيل بينات ان عدد كريات الدم الحمراء والصفائح الدموية تضاعفات ب شكل غير
طبيعي.. شي للي تيدل على حدوث تطورات وتغييرات غريبة عل جسم ابيجيل
رغم كل هذا و رغم كل التشوهات والتطورات
للي وقعات على الجسد د ابيجيل ورغم كل ما غادي يوقع مادامت التجربة
سارية المفعول بكل ما تيستعملو فيها من مواد سامة وغريبة عل الجسم البشري : الأب رفض توقيف التجارب لأن التشوهات والتغييرات ف مرحلة متقدمة وبالتالي ف لا داعي توقف التجربة
وهاكا التمس من اللأدارة متابعة التجارب ..وأبيجيل نفسها عندها رغبة
تستمر ف التجربة .المشروع استمر سنوات ..وتمارسات تجارب بشعة على ابيجيل سنوات
الصحافة ف داك الوقت نقلات خبر غير عادي
اعتمدات فيه على العاملين ف القسم للي فيه ابيجيل ,و للي كان تيدوز كلشي تحت انظارهم..داك العمال
قالوا انهم كانو تيلاحظو دخول كمية أكل كثيرة ل ابيجيل وهي كمية كثر مما
تيحتاجو انسان ف ظروفها الصحية ..انا تنشوف ان المسالة عادية يلا عرفنا انهم
ما تيتعاملوش مع انسان عادي تيعرف اش كيدير ف انا ونتاو الاخر لما تناكلو تنقدرو
الامور حق قدرها تنخدمو عقلنا خلال الاكل
و تناكلو الكمية المناسبة وف الوقت المناسب و بالطريقة المناسبة ..
أبيجيل مع كل داك التجارب قالو صبحات بحال شي
حيوان متوحش وفقدات صفاتها ككائن بشري وما بقاتش تتقدر الامور حق قدرها وماتتعرفش
التبعات د ردود افعالها ف اذن عادي انها تلتهم وتستهلك كمية اكل اكبر من حاجياتها..
التغيرات للي تصابت بها ابيجيل كانت غادى وتتزيد ومنها ان سلوكها صبح شبيه ب
سلوك المجانين
العظام ديالها
تطورو ل درجة انها صبحات طويلة وطول ابيجيل وصل ل 3
د الامتار
مع كل هاد التغييرات الاب د ابيجل كان
مازال عندو امل ان التجربة تنجح ولهذا استمر فيها
على عكس الجيش الامريكي للي لاحظ ان التجربة فاشلة والدليل هو انها عوض
ما تنتهي بالحصول على كائن قوي بحال سوبرمان . انتهات ب تحول فتاة حسناء ل
وحش عندها غرائز بدون قدرة عل التفكير ..
الجيش
تأكد ان الاستمرار ف الانفاق عل
المشروع هو هدر للمال العام وف الاخير تم
انهاء التجربة..
ألبرت اب ابيجيل وبعد اربع سنوات من توقيف المشروع كتب وصية طالب فيها الجيش باش ما يقتلش بنته..
الجيش احترم هاذ الرغبة وبقات ابيجيل
بالحياة رغم انها ما بقاتش كائن بشري سوي..
لكن البرت الاب والطبيب ماقدش يتحمل فشل التجربة وماقدش
يتحمل المنظر المريع للي صبحات عليه بنتو الوحيدة وما قدش يشوفها
تتألم ولهذا وضع حد لحياتو عن طريق الانتحار .
المختبر مابقاش عندو مصادر لتمويل التجارب, وشاف ان
ابيجل ومشروعها عبء عليه ولهذا قام بالتخفيف من الحراسة للي كانت مضروبة
عليها الشيء للي استاغلاتو ابيجيل وقتلات زوج د الحراس وهربات
الحراس للي خارج المختبر استعملو
الرصاص الحي باش يقتلوها لكن الغريب ف الامر ان الرصاص خترق الجسد ديالها وما قدش
يقتلها هذا ب شهادة الجنود للي شاركو ف المطاردة د ابيجيل ..
وهكذا قرر الجيش الامريكي يخلي المنطقة للي صبح فيها داك المخلوق الغريب المتوحش حر طليق .. ومنع الاقتراب منها تحت طائلة الرمي بالرصاص الحي
تعليقات
إرسال تعليق
مرحبا بك زائري الكريم .